Keçikkan hayot

Filmning asosiy voqealari Hamlet-qassobning ğoyibona tarzda yöqolgan piçoği atrofida çambarças boğlangan holda rivojlanadi. Film uçta qahramonning alohida-alohida hayot yöllari bilan boşlanib, syujetlar bir-biriga ulanib ketadi.

1-syujet (Erkin). Toşkent viloyatidagi "Tovoqsoy" koloniyasidan Erkin ismli 23 yaşar yigit jazo muddatini ötab ozodlikka çiqariladi. Çöntagida puli yöqligi uçun u darhol Toşkentga yetib bora olmaydi, va turma yaqinidagi qişloq çoyxonasida bir keça tunab qoladi. Ertalab qişloqning kattalari uni uyğotişadi. Nosir amaki ismli mahalla oqsoqoli Erkinning şaharga yetib olişi uçun unga 100 ming söm beradi. Erkin bu holatdan xursand bölib, pul topsa albatta qarzini uzişga vaʼda berib ketadi.

Erkin şahardagi özining bolaligi ötgan uyga keladi va uyning sotib yuborilganini biladi. Söngra u ammasining kvartirasiga boradi va undan dadasining vafot etganini, akasi esa uyni sotib, Rossiyaga ketib qolganini bilib oladi. Ammasining uyidan çiqib, amakisi şifokor bölib işlaydigan kasalxonaga boradi. Amakisi bilan birga otasining mozorboşisiga ziyoratga çiqadi. Amakisi (huddi ammasi kabi) Erkinni "harbiy kapitan" bölib işlab yuribdi, deb öylaydi. Çunki, Erkinning akasi şunaqa yolğon maʼlumot tarqatgan edi. Erkin qamoqda ötirib çiqqanini amakisiga aytmaydi. Amakisi Erkinga uning uyida tunab qolişni taklif qiladi. Yarim keçasi Erkin öz iztiroblari taʼsirida (otasi vafot etgan, akasi uyni sotib, xorijga qoçgan) amakisining uyidan yaşirinça çiqib ketadi va avtobus bekatida yotib qoladi.

2-syujet (Şahodat). 30 yoşga çiqqan, xususiy naşriyotiga ega bölgan Şahodat özining keng, şinam kvartirasida yolğiz yaşaydi, stress payti tamaki çekib, kofe içişni xuş köradi.. Uning ota-onasi vafot etgan, turmuş qurişga xohişi yöq, onda-sonda Barno xolasi undan xabar olib turadi. Barno xola ham turmuş qurmagan, umrini biznesga bağişlagan, lekin jiyani Şahodat ham şunday hayot keçirişini istamaydi va unga kuyov qidiradi. Şahodatning yaqin dugonasi ham uning turmuş qurişini xohlaydi. Barno xola uzoq qarindoşi orqali nihoyat jiyaniga Hamlet ismli, qişloqda qassoblik qiluvçi, qöpolroq xarakterga ega, yoshi 32 ga kirgan kuyovni topadi. Şahodat, xolasining qistovi bilan töyga rozi böladi.

3-syujet (Hamlet). Söqoq qişloğida oyisi bilan yaşaydigan 32 yoşli Hamlet yomğirli tunda qişloq militsioneriga piçoği yöqolganligi töğrisida ariza beradi. Militsiya xodimi bu işni jiddiy qabul qilmaydi, lekin Hamletning qatʼiy talabi bilan "sayyor sud" uyuştirişga kirişadi. "Sud" Hamletning hovlisida bölib ötadi, Hamletning barça ulfatlari öşa kuni sodir bölgan barça voqealarni aytib berişadi. Tergov jarayonida Hamlet öşa piçoq yöqolgan tunda mast holda töydan çiqib, Odil akaning (Halimaning dadasi) uyiga kirib ötib, nos sotib olgani, Halima esa (Hamletning yoşlikdagi sevgilisi) öşa kuni eri bilan janjallaşib, dadasi Odil akaning uyiga qaytib kelib ötirgani oydinlaşadi. Bu orada Hamletning oyisi öğliga kelin topilganini maʼlum qiladi.

Umumiy syujet. Hamlet va Şahodat turmuş qurişadi. Hamlet kelinni xuşlamaydi va alohida xonada uxlaydi. Şahodat erini töpori, savodsiz deb tasavvur qiladi, lekin oğilxonada sandiqda berkitib qöyilgan noyob kitoblarni körib, eri haqida fikri yaxşi tomonga özgaradi. Hamletga esa xotinining yaşirinça tamaki çekişi, öçoqboşida tuzukroq ovqat qila olmasligi yoqmaydi.

Yomğirli tunda Hamlet va Şahodat qörada qolib ketgan qöziçoqlarni oğilxonaga köçirib ötkazişadi. Öşa jarayondan söng er-xotin orasida bir-biriga mehr, yaqinlik paydo böladi. Hamlet yöqolgan piçoğini topişdan umidini uzadi.

Ertasi kuni, nonuştadan söng Hamlet qöşnisi Odil akani yöqlab uni uyiga keladi. Odil akaning eridan qaytib kelgan qizi, Hamletning yoşlikdagi sevgilisi Halima u bilan quyuq salomlaşadi va yöqotgan piçoğini (aslida u piçoqni 15 yil oldin aynan Halima sovğa qilgan edi) unga eslatadi. Bu suhbatdan qattiq taʼsirlangan Hamlet jonholatda uyiga keladi va Şahodatni uyidan haydaydi. Şahodat Toşkentdagi kvartirasiga yetib kelganida uyda kimdir yaşab yurgani maʼlum böladi. Bu Erkin edi. Şahodat darhol militsiya çaqirişga kirişadi, lekin oxirgi lahzada fikridan qaytadi. Şahodat Erkin yozgan "Keçikkan hayot" nomli hikoyani közdan keçirib çiqadi (film nomi şu hikoya nomidan olingan) va unga dastlab past baho beradi, lekin bir zumda bu hikoya uning turmuşiga öxşab ketişini tuşunib yetadi (yigit qizni sevadi, qiz esa yigitni aldab, boşqaga turmuşga çiqib ketadi - bu Hamletning sevgilisi Halima haqida edi). Şahodat masalaga oydinlik kiritiş maqsadida darhol erining qişloğiga qaytib ketadi, Erkin kvartirada qoladi.

Şahodat qişloq militsioneri Sanjar Tojiyev oldiga kelib, undan eri yöqotgan piçoqni unga kim sovğa qilganini söraydi. Sanjar darrov javob bermaydi va köçadagi pista sotuvçi kişining oldiga borib keladi (bu kişi Odil aka - Halimaning dadasi edi). Sanjar xonasiga qaytib kelib, bu piçoqni Hamletga Odil akaning qizi Halima sovğa qilganini aytadi. Şahodat eri yöqotgan piçoq hozir kimda ekanligini darhol tuşunib yetadi va xonadan tezda çiqib ketadi. Qişloq buloği yonida Şahodat Halimaning kelişini poylaydi. Halima çelak kötarib keladi, u Şahodatni tanimagani uçun uni gapga tutadi, kimligini bilib olmoqçi böladi. Şahodat birdaniga, tomdan taraşa tuşganday Halimadan eri yöqotgan piçoqni qaytarib berişini talab qiladi. Bunaqa talab Halima uçun kutilmagan holat edi, u darhol bu notaniş qizning kimligini fahmlab yetadi. Halima, yoqar-yoqmas, piçoqni keltirib Şahodatga beradi va Hamletning 15 yil oldingi qasami haqida gapirib beradi.

Çuqur taʼsirlangan Şahodat qişloqdan piçoq bilan Toşkentga qaytadi. Bu orada Erkin öz nomidan hikoyalar naşr ettiradi, unga Şahodat yordam beradi. Şahodat ginekolog körigidan ötadi va eridan homilador ekani maʼlum böladi. Hamlet yöqolgan piçoq xotinida ekanidan xabar topib Toşkentga, Şahodatning kvartirasiga keladi, Şahodat eri bilan qişloqqa qaytişdan boş tortadi, Hamlet esa piçoqni olmay, yolğiz özi uyga qaytadi.

Bu orada Erkin quriliş mahsulotlari tsexida mehnat qiladi, u naşr etilgan hikoyasi (Keçikkan hayot) uçun gonorar (qalam haqi) oladi. Erkin qarzini qaytariş uçun Nosir amakining uyini topib keladi. Nosir amaki vafot etganini uning nevarasidan bilib oladi, Erkin 100 ming sömni öşa yigitga beradi. Erkin Nosir amakining mozoriga borib, uning ruhi uçun tilovat qiladi, yiğlaydi va keçikkani uçun afsuslanadi.

Biroz vaqt ötgaç, homilasi kattalaşgan Şahodat eri Hamletning uyiga keladi va egizaklar kutayotganini eriga aytadi. Hamlet bu paytda sandiqdagi eski kitoblarini çangdan tozalayotgan edi, u keçikkan bölsa ham bu xabardan xursandligini aytadi. Film sönggida er-xotinlar Şahodatning Toşkentdagi kvartirasida baxtli yaşayotganliklari maʼlum böladi. Film oşxonada turgan öşa "qadrdon" piçoq sahnasi bilan tugaydi.

Filmda yangragan taronalar: Şahodat dugonasi bilan öz kvartirasida gaplaşib ötirişgan sahnasida magnitofondan quyidagi taronalar ijro etilgan:

Şahzoda va DJ Smash - Между небом и землёй (Nari vs Milani remix) (2009)

Enrique Iglesias - Say it (2003)