Devdas

Bengaliyaning gözal qişloq hududlaridan birida, zamindar (yer egasi) Narayan Mukherjining öğli Devdas bilan ularning qöşnisi Nilkanth Çakravartining qizi Parvati (Paro) örtasidagi umidsiz muhabbat fojiasi röy beradi. Ikkalasi ham braxman kastasiga mansub, ammo kasta va boylik jihatidan Parvatining oilasi pastroq mavqeda turadi. Devdas va Parvati bolaligidan birga ösgan, ammo turmuş qurişga qaror qilişganda Devdasning otasi qarşi çiqadi va öğlini oliy maʼlumot oliş uçun Kalkuttaga jönatadi, şu tariqa oşiqlarni ajratişga urinadi.

Devdas yöqligida Parvatining ota-onasi qizlarini özidan ança katta, bolali beva boy zamindarga turmuşga berişga tayyorlanadi. Parvatining turmuşga çiqayotganini bilgan Devdas qişloqqa şoşiladi va töyni töxtatişga urinadi, ammo muvaffaqiyatsiz böladi. Parvati u bilan qoçişga tayyor, ammo Devdas buni rad etadi. Şunda Parvati tunda uydan çiqib, Devdasning oldiga keladi va uni qörqoqlikda ayblaydi. Parvatining iloji yöq: uyga qaytib, ota-onasining irodasiga böysunişi va ularning tanlagan kişisiga turmuşga çiqişi kerak böladi.

Devdas Kalkuttaga qaytadi, u yerda dösti Çunilal uni gözal va irodali kurtizanka Çandramukhi bilan taniştiradi. Devdas köp içişni boşlaydi va oğzida doim Çandramukhini bunday ayolni yomon körişini aytsa-da, maʼnaviy yordam uçun unga qaytib kelaveradi. Çandramukhi Devdasga oşiq bölib qoladi. Devdas Parvatini yana bir marta, otasining dafn marosimi uçun qişloqqa kelganida uçratadi. Parvati Devdasdan içişni taşlaşni iltimos qiladi. Devdas töğridan-töğri javob berişdan qoçadi va buning örniga ölim oldidan albatta uning oldiga kelib, oxirgi marta körişga vaʼda beradi.

Devdas Kalkuttaga qaytib, alkogolizm botqoğiga botib ketadi. Çandramukhi kurtizankalik kasbini tark etib, Devdasni alkogolizmdan qutqarişga intilib, uning ğamxörligiga ötadi. Bir muddat Devdas içişni töxtatadi va butun Hindiston böylab sayohatga çiqadi.

Yaqinlaşib kelayotgan ölimini his qilgan Devdas bir keça işonçli xizmatkori Dharamdasni poyezdda qoldirib, yaşirinça qoçadi, Parvati yaşaydigan Manikpur stansiyasida tuşib, uning oldiga oxirgi marta körişiş uçun boradi. Devdas Parvatining uyi yonidagi daraxt tagida sekin va azobli ölim bilan vafot etadi, Parvati esa uni körişga ulgurmaydi.