Knocked Up

Ben Stone — 23 yoşli, döstlari bilan birga yaşaydigan va faqat marixuana çekiş hamda maşhur aktrisalar yalanğoç holda iştirok etgan filmlar haqida maʼlumot beruvçi sayt yaratişga uriniş bilan band bölgan befoyda yigit. Allison Scott — televideniyеda işlaydigan, karyerasiga ruju qöygan qiz. Bir kuni uni maşhurlar bilan intervyu oluvçi reporter lavozimiga kötarişadi. Bu quvonçli voqeani nişonlaş uçun u singlisi Debbie bilan tungi klubga boradi va u yerda Ben bilan tanişadi. Allison u bilan bir tunni ötkazadi, lekin tez orada ular örtasida umumiy narsa kam ekanini tuşunadi.

8 haftadan söng Allison homilador ekanini aniqlaydi va Ben bilan boğlanadi. Ben Allisonni har tomonlama qöllab-quvvatlaşini aytadi va ular munosabatlarni tiklaşga qaror qilişadi. Dastlab hammasi yaxşi ketayotgandek tuyuladi, hatto Ben unga taklif ham qiladi, lekin vaqt ötişi bilan ularning munosabatlaridagi keskinlik asta-sekin ortib boradi. Allison Benni masʼuliyatsizligi va turmuş tarzi uçun tobora köproq "tanbeh berişni" boşlaydi.

Vaziyat şu darajaga yetadiki, Allison bola otasini uydan haydab yuboradi. Ben Allisonning singlisi Debbieʼning eri Pete bilan birga Las-Vegasʼga boradi va u yerda vaqtni striptiz barda hamda sirkda ötkazadi. Sayohat davomida Ben özgarişi kerakligini tuşunadi. Uyiga qaytib, döstlari oldiga kelgaç, u ish va kvartira topadi, uning bir xonasini esa çaqaloq xonasiga aylantiradi.

Allisonning tuğiş vaqti kelganda, uning şifokori şaharni tark etganini bilib qoladi. Şunda u Benga qönğiroq qilib, yordamga kelişini söraydi. Ben uni kasalxonaga olib boradi. Qizaloq tuğilgandan söng Allison va Ben yaraşişadi va birga yaşaşni boşlaşadi.