Lars and the Real Girl

Nomsiz şaharçada yaşovçi Lars bezovta şaxsiyat buzilişi va haptofobiyadan aziyat çekadi. U taʼmirlangan garajda yaşaydi va atrofdagilar bilan kam muloqot qiladi. Ijtimoiy aloqa zarurati doimiy stress keltirgani holda, u tasodifan Margo idorasining xodimlaridan biri unga bildirgan qiziqişga duç keladi. Bu Larsda ğoyaviy adaşuv (sarobiy buziliş) paydo bölişiga olib keladi: u internet orqali sex-qöğirçoq buyurtma qiladi va uni akasi hamda kelini oldida özining kelajakdagi kelini Bianka sifatida taqdim etadi. Xavotirga tuşgan oila aʼzolari şifokorga murojaat qiladi, şifokor esa öz navbatida Larsning gapini qöllab-quvvatlaşni maslahat beradi.

Dastlab hijolat çekkan şaharliklar vaqt ötişi bilan Biankaga könikib qoladi va uni öz jamiyatiga qabul qiladi: u Lars bilan birga ziyofatlar va çerkovga boradi, işga joylaşadi, döstlar orttiradi. Lars esa röy berayotgan voqealardan benihoya mamnun va qizi bilan çindan sevişgandek körinadi. U Biankani nogironlar aravaçasida olib yuradi va uning hayoti haqida hikoya qiladi. Göyo ular tanişgunça qiz missionerlik faoliyati bilan şuğullangan. Kelinning kam gapirişini esa u juda uyatçanligi bilan izohlaydi. Şifokor Biankada qon bosimining pastligini aniqlaydi va muntazam tibbiy körikdan ötişni tavsiya qiladi, şu bilan birga Larsning ahvolini ham kuzatib boradi. Şu orada Larsning romani uning şahar jamoat hayotiga qöşilişiga ijobiy taʼsir körsatadi, unda ham döstlar va tanişlar paydo böladi. Margoning Larsga bölgan hissiyotlari esa kuçayadi, hatto u Larsni boulingga uçraşuvga taklif qiladi. Biroq Lars tezda kelini oldiga qaytadi va xiyonat haqida hatto öylaşga ham yöl qöymaydi.

Bir kuni ertalab Larsga Bianka uyğonmagandek tuyuladi. Juda xavotirga tuşgan u bemor qizni şifoxonaga olib boradi. Butun şahar Biankaning ahvoli uçun taşvişlanadi va oxir-oqibat qiz «vafot etadi». Marhumaga haqiqiy dafn marosimi ötkaziladi, unda Lars chin dildan qayğu bildiradi. Natijada Biankadan ajralgaç, Lars şifokor taxmin qilganidek, asta-sekin ruhiy jihatdan normal holatiga qaytadi. U Margo bilan suhbatlaşadi va uni sayrga taklif qiladi.