Remember Me

Beparvo talaba Tayler özida uyğunlikni topa olmaydi va örab turganlarning hammasi bilan til topişolmaydi. Uni akasi Maykl­ning ölimi ezadi va ruhiy tuşkunlikda uşlab turadi. Otasi, şuningdek, onasi va ögay otasi uning işlariga umuman qiziqmaydi. Vaziyatdagi yagona ijobiy narsa — dösti Eydan va kiçik singlisi Kerolayn.

Tasodif tufayli yigitlar keçasi Nyu-York köçasida janjalga aralaşib qolişadi, natijada Taylerni hibsga olişadi, ammo köp ötmay garov evaziga ozod qilişadi.

Eydanga tasodifan maʼlum böladiki, uning kollejida Elli — Taylerni hibsga olgan politsiyaçining qizi öqiydi. Eydan Taylerga otasidan öç oliş maqsadida Elli bilan munosabat boşlaşni taklif qiladi. Tayler avvaliga rad etadi, ammo köp ötmay qizga oşiq bölib qoladi va ular örtasida munosabatlar boşlanadi. Tayler bilan Elli örtasida köp umumiylik bor: ikkalasi ham yaqin odamini yöqotgan — uning onasini metroda öğrilar öldirgan, uning akasi esa öz joniga qasd qilgan. Juftlik köp vaqtni birga ötkazadi, bu esa xotinining voqeasidan söng qizi uçun xavotirlanib, uni fanatizmgaça borib himoya qiladigan Elli otasini juda ğazablantiradi. Elli otasi bilan janjallaşadi, u esa qizning yuziga uradi va qiz Taylernikiga yaşaşga ketadi. Qizini izlab, ota Taylerning xonadoniga keladi va yigitning şaxsiy kundaligini topadi, unda Elli bilan nima uçun tanişganini yozgan. Taylerga Elli oldida hammasini tan olişga töğri keladi va qiz undan ketib qoladi. Şu bilan birga Tayler otasi bilan ham janjallaşadi, çunki akasi vafotidan keyin otasiga boşqa bolalari haqida ğamxörlik qiliş kerak emasdek tuyuladi.

Taylerning singlisi Kerolayn sinfdoşlarining doimiy masxarasiga duç keladi. Ularning öyinlari açinarli tugaydi — Kerolaynning boşining yarmidagi soçlarini qirqib taşlaşadi. Qiz juda xafa böladi va butun oila nihoyat uni qöllab-quvvatlaş uçun birlaşadi. Elli ham keladi. U Taylerga yaraşadi va hammasi asta-sekin yaxşilana boşlaydi. Elli va Tayler yana birga bölganlaridan zavqlanişadi va Taylerda nihoyat otasi bilan gaplaşib, hammasini aniqlaştiriş imkoniyati paydo böladi. Tayler belgilangan vaqtda otasining ofisiga keladi, ammo otasi keçikadi, çunki butun vaqt içida birinçi marta u Kerolaynni maktabga olib borişga qaror qiladi. Otasining yordamçisi bilan suhbatda Tayler bugun ertalab qançalik alohida ekanligini payqaydi.

Şu payt Kerolayn allaqaçon darsda. Doskada öqituvçi tomonidan sana yozilgan: «2001-yil 11-sentabr».

Tayler otasini uning ofisida kutadi va Jahon savdo markazining minoralaridan birining derazasi yonida turadi. Pastda odamlar yugurib ötişadi va yuqoriga qaraşadi. Ular orasida ofisga kelgan Taylerning otasi, uydan çiqayotgan onasi, Taylerning qaytişi uçun tost tayyorlagan Elli, uning dösti Eydan va maktabdan hayron bölib çiqayotgan Kerolayn bor.

Keyin ota, ona, singil va ögay ota Taylerning qabriga kelişadi, u yerda yozilgan: «Sevikli öğil, aka».

Elli metroga kiradi — onasi öldirilganidan beri unga kirişdan qörqqan joyga. Qiz poyezdga ötirib, uzoqqa qaraydi. Unga platformada turgan onasi körinadi. Ellining közlari kelajakka bölgan umidga töla.