Sening isming

Film Taki Taçibana va Mitsuha Miyamidzu ismli boş qahramonlarni taniştiriş bilan boşlanadi; ular uyğonganlarida, özlari uçun muhim bölgan nimanidir yöqotganlik hissi paydo böladi. Keyin film Hida provinsiyasi qişloğida yaşovçi örta maktab öquvçisi Mitsuhaning hayoti haqidagi hikoyani boşlaydi. Mitsuha ğalati tuyğu bilan uyğonadi va maktabda döstlari unga bir kun oldin u özini juda ğalati tutganini aytişadi. Ammo Mitsuha heç narsani eslay olmaydi. Uyga qaytgaç, Miyamidzu ziyoratgohida miko rolida bölib, singlisi bilan kutikamisake (yaponça : 口噛み酒, qadimiy sakening turi, guruçni çaynaş orqali tayyorlanadi) marosimida qatnaşadi. Marosim tugagandan söng, Mitsuha öz şahri va hayoti uçun nafrat bilan qiçqiradi va heç bölmaganda Tokioda yaşovçi çiroyli yigit bölib qayta tuğililişni orzu qiladi. Ertasi kuni ertalab Mitsuha Tokio markazida yaşovçi örta maktab öquvçisi Taki Taçibananing tanasida uyğonadi va bu qanday va nima uçun sodir bölganini bilmaydi.

Tez orada Taki va Mitsuha uxlayotganlarida bir-birining tanasiga ruhlari almaşayotganini tuşunişadi, ammo buning sababi ular uçun sir bölib qoladi. Bir munça vaqt ötgaç, ular birovning tanadasidagi hayotni qiziqarli deb hisoblay boşlaydilar, özlari uçun xatti-harakatlar qoidalarini örnatadilar va şaxsiy hayotlariga aralaşmaslikka kelişib olişadi, bir-birlarining tanasida ötkazgan kunlar haqida eslatmalarni qoldiradilar. Ammo kelişuvga qaramay, Mitsuha Takiga hamkasbi Miki Okudera bilan yaqinlaşişiga yordam beradi va oxir-oqibat Mitsuha Takining nomidan uçraşuv kunini belgilaydi. Miki uçraşuv davomida Takining feʼl-atvori sönggi paytlarda juda özgarganini payqadi. Yigitning yuragi öziga tegişli emasligini körib, Takini öz xayollari bilan yolğiz qoldirib, uyiga qaytadi. Taki biroz öylanib, Mitsuha bilan telefon orqali boğlanmoqçi böladi, biroq uning raqami mavjud emasligi maʼlum bölib, ruhlarning almaşişi negadir töxtab qoladi. Köp öylagaç, Mitsuha uning hayotida alohida örin tutişini tuşunadi va Mitsuhaning şahriga borib, u bilan şaxsan gaplaşişga qaror qiladi.

Şahar nomini ham, uning aniq manzilini ham bilmagan Taki, faqatgina xotirasida qolgan manzara eskizlariga tayanadi va yöl topişga harakat qiladi. Döstlari Tsukasa Fujii va Miki Okudera bilan birga Yaponiyaning boşqa qismlariga sayohat qilib, Mitsuha yaşaydigan şaharni topiş uçun behuda harakat qiladi. Bir kuni Hida şahrida joylaşgan yöl çetidagi restoranda Mika rasmdagi manzarani payqaydi. Xuddi şu şaharda tuğilgan restoran egasi ularni ulkan zarba krateriga olib boradi va ularga uç yil oldin aynan şu joyda kometa Itomori degan şaharçani vayron qilib, aholining uçdan bir qismini yöq qilganini aytadi. Taki falokatdan halok bölgan odamlarning ismlari röyxatini közdan keçiradi va Mitsuha va uning ikkala dösti Katsuxiko Teşigawara va Sayaka Natori ismini topadi.

Nima haqiqat-u nima yolğonligini anglamagan Taki, hodisalarni tuşunişga harakat qilib, voqea haqida biror bir maʼlumot topişga harakat qiladi. Telefondagi Mitsuha qoldirgan barça yozuvlar sirli ravişda ğoyib böladi va Takining sönggi umidi uning xotiralarida qolgan toğlardagi yer osti ibodatxonasi bölib qoladi. Restoran egasining yordami bilan yigit u yerga yöl topişga muvaffaq böladi. Özining va Mitsuhaning vaqt jadvallari bir-biriga mos kelişini anglab yetgaç, Musubi (yaponça: 結び „boğlamoq“) ismli maʼbad xudosidan yordam söraydi va kometa qoldiqlari zarbasidan oldin Mitsuhaning tanasi bilan qayta boğlaniş umidida Mitsuha tayyorlagan sakeni içadi. Mitsuhaning tanasida bölib qolgan Taki Mitsuhaning döstlariga falokat haqida gapirib beradi va şaharni evakuatsiya qiliş uçun ulardan yordam söraydi. Takining özi Mitsuhani topiş uçun maʼbadga boradi.

Mitsuhaning ruhi Takining tanasida uyğonadi va u toğ çöqqisi tomon harakatlanadi, Taki ham Mitsuhaning tanasida u tomon boradi, faqatgina, ular bir-birlarini his qilişlari mumkin böladi holos. Ammo quyoş botgan va katavare-doki (yaponça: 片割れ時, qoş qoraygan) bölgan öşa qisqa daqiqada ikkisi öz tanalariga qaytadilar va öşa yerda turib, bir-birlarini köra oladilar. Uçraşuvdan xursand bölişiga qaramay, Taki Mitsuhani yaqinlaşib kelayotgan ofat haqida ogohlantiradi va Mitsuhaning otasi aholini evakuatsiya qilişiga işontirişi kerakligini aytadi. Şuningdek, ular bir-birlarini va tanalarini almaşib qolişini unutib qöymasliklari uçun bir birining ismlarini qöllariga yozişga qaror qilişadi. Ammo yozişni tugatmasdan, ularning uçraşuvi tugaydi, quyoş butunlay botadi va ikkisi öz vaqtlariga qaytadilar. Qahramonlar bir-birlarining ismlarini eslaş uçun astoydil harakat qilişlariga qaramay, eslay olmaydi.

Kometa qulaganidan beri sakkiz yil ötadi. Garçi Itomori şahri vayron qilingan bölsa-da, şaharda ötkazilgan „fuqarolik mudofaa maşğulotlari“ tufayli uning aksariyat aholisi qoçişga muvaffaq böladi (hokimiyatning rasmiy versiyasiga köra). Bir kuni, endi ulkan Tokioda yaşovçi Mitsuha, bir zinapoyada ötmişning noaniq tasvirlari bilan azoblanişda davom etayotgan Takini uçratadi.