Golden Globes: One Battle After Another va Adolescence 4 tadan
83-Golden Globes marosimi 11-yanvar kuni Beverly Hilton mehmonxonasida ötti. Keçaning asosiy ğolibi Paul Thomas Andersonning «One Battle After Another» filmi böldi.
Film eng yaxşi komediya yoki myuzikl nominatsiyasida ğolib böldi. Bundan taşqari eng yaxşi rejissyor, eng yaxşi ssenariy va yordamçi ayol roli mukofotlarini ham oldi. Anderson rejissyorlik va ssenariy mukofotini bir hafta oldingi Critics Choice Awards marosimida ham yutgan edi. Film u yerda eng yaxşi film deb ham tan olingan. Endi u mart oyidagi 98-Oscar uçun asosiy favorit hisoblanadi. Mukofotlar soni bilan «One Battle After Another»ga «Adolescence» seriali teng keldi. U eng yaxşi limited serial, limited serialdagi eng yaxşi erkak roli hamda dramatik serialdagi yordamçi erkak va ayol rollari mukofotlarini oldi.
Drama nominatsiyasida eng yaxşi film — «Hamnet». Jessie Buckley şu film uçun drama aktrisasi mukofotini oldi. Erkak aktyorlar orasida Wagner Moura ğolib böldi, uni «The Secret Agent» filmidagi roli uçun taqdirladilar. Bu ğalaba kutilmagan böldi. Şu film ayni paytda eng yaxşi ingliz tilida bölmagan film mukofotini ham oldi. Serial tomonda eng yaxşi drama — «The Pitt», eng yaxşi komediya — «The Studio».
Bu yil mukofotlar 28 nominatsiya böyiça berildi. Birinçi marta podkastlar ham röyxatga kirdi. Marosimni Nikki Glaser ikkinçi yil ketma-ket olib bordi.
Bir tafsilot bahs uyğotdi. Eng yaxşi original musiqa mukofotini taqdim etiş vaqt yetmagani uçun telekösatuvdan çiqarib taşlandi. Uni YouTube kanalida va ijtimoiy tarmoqlarda körsatadigan böldilar. Nomzodlardan biri Hans Zimmer bu qarorni tanqid qildi. Uning aytişiça, kompozitorlar mehnati doim eʼtirof etilişi kerak, çunki ularsiz film bölmaydi.
Marosimdan oldin, 6-yanvar kuni, maxsus gala ötti. Unda Helen Mirren Cecil B. DeMille mukofotini, Sarah Jessica Parker esa Carol Burnett mukofotini oldi. Gala «Golden Eve» nomli alohida köratuv sifatida 8-yanvar kuni CBSʼda çiqdi va uni ikki million tomoşabin kördi.
Reytinglar haqida. Nielsen maʼlumotiga köra, marosimni jonli efir va şu kunning özida 8,66 million kişi kördi. Bu ötgan yilgi 9,27 milliondan taxminan 7 foiz kam. Lekin 2023-yildagi 6,3 million rekord pastlikdan yuqori. 2020-yilda esa Globes 18,3 million tomoşabin yiğgan edi. Taqqoslaş uçun: 2025-yilgi Emmy 7,42 million, ötgan yilgi Oscar 19,69 million kişi köruvçi yiğgan. Pasayişga qisman futbol sabab bölgan. Bu yil marosimdan oldin NFL pley-off öyini bölmadi, boşqa kanallarda esa ikkita pley-off uçraşuvi ketayotgan edi. Ijtimoiy tarmoqlarda esa faollik rekord darajaga çiqdi: taxminan 42–43 million özaro taʼsir, bu ötgan yildan 5 foiz köp. Kanadada marosim Citytv tarixidagi eng köp körilgan Globes efiri böldi, uni 3,57 million kanadalik kördi.
Yana bir kontekst: «One Battle After Another» tanqidçilarga yoqqan, lekin kassada qiyin ahvolda. Film 200 million dollardan köproq yiğdi, ammo uni suratga oliş 130 million dollardan ortiqqa tuşgan, marketing xarajatlari esa alohida. Şuning uçun Globes ğalabalari filmga mukofot mavsumida köproq eʼtibor olib kelişi mumkin. Oscar 15-mart kuni böladi. Öşa paytda bu yilgi mukofot film va seriallari yana bir bor taqqoslanadi.
▶Qaysi premyerani köproq kutyapsiz?
Manbalar: Vikipediya, Variety, Deadline, Golden Globes, The Hollywood Reporter