Adventure Time

Adventure Time (tarjimasi „Sarguzaşt vaqti“) Cartoon Network telekanali buyurtmasiga binoan Pendleton Ward tarafidan yaratilgan Amerika animatsion teleserialidir. Keyinçalik, multserialni işlab çiqariş Frederator Studios tarafidan davom ettirildi. Ilk marotaba 2008-yilda Nickelodeon telekanali orqali efirga uzatildi, keyinçalik efirga uzatiş huquqini Cartoon Network telekanali sotib oldi va 5-aprel 2010-yildan uşbu animatsion serialni efirga uzatişni boşladi. Serial Finn va uning ögay ukasi Jakening birgalikdagi sarguzaştlari haqida hikoya qiladi.

Animatsion serial turli manbalardan, jumladan Dungeons & Dragons nomli fentezi janridagi videoöyinlardan ilhomlangan. Serialning dastlabki qismlari qölda çizilgan animatsiyalar orqali hozirlangan. Lekin, bu jarayon ança maşaqqatli bölib, bir qismni nihoyalaş 8-9 oy talab etdi. Keyinçalik, yangi texnologiyalar yordamida har biri 11 daqiqadan iborat qismlar işlandi. Cartoon Network telekanali 29-sentabr 2016-yilda animatsion serialning öninçi fasli tugaganidan söng, 2018-yilda serial tugaşini eʼlon qildi. Serialning yakuniy qismi 3-sentabr 2018-yilda efirga uzatildi va 44 daqiqadan iborat böldi.

Adventure Time Cartoon Network telekanalining reytingida muhim rol öynadi. Serialning ayrim qismlari uç milliondan ortiq tomoşabinni qamrab oldi. Serial asosan bolalar uçun möljallangan bölsa-da, yoşlar va kattalar orasida ham keng tarqaldi. Serial tanqidçilar tomonidan xuş qarşilandi hamda köplab yutuqlarga sazovor böldi. Şuningdek, uşbu serial asosida köplab kitoblar, videoöyinlar, öyinçoqlar va kiyimlar işlab çiqarildi.

Finn va Jake şirinliklar saltanati yaqinidagi yoğoç uyda yaşar edilar. Bolaligida Finn muammoga duç kelgan har kimga yordam berişga vaʼda bergan. Buning ortidan, u va Jake atrofdagi kişilarni qutqariş maqsadida sarguzaştga otlanişadi. Serial voqealari yadro uruşidan omon qolgan mamlakatlarda bölib ötadi. Uruşdan söng, sayyoraning faqat uçdan ikki qismi omon qoldi hamda dunyoga turli sehrlar va mutatsiyalar tarqaldi. Serial voqealarining aksariyati „Şirinliklar saltanati“ deb nomlangan bir uydirma hududda bölib ötadi.

Fin the Human (Fin — odam) yoki Fin Mertens (talaffuzi: Fin Myortens) — animatsion serial boş qahramoni. U doimo şlyapa kiyib yuradi. Uşbu şlyapa esa uning juda uzun va sarğiş tusli soçini berkitib turadi. Fin kuçli va adolatli, ammo juda sodda. Biror kişiga yordam bera olmasa, bundan köngli ranjiydi.

Jake the Dog (Jake — it) — bulldog turidagi it, Finning eng yaqin dösti va ögay ukasi. Tana şaklini özgartiriş qobiliyatiga sohibdir. Jake sodda hamda heç qanday muammo haqida qayğurmaydi.

Princess Bubblegum (Malika Bubblegum) — şirinliklar saltanati hukmdori. U tadqiqotçi xarakterga ega bölib, davlatni boşqarişdan böş vaqtlarida fan bilan maşğul böladi.

Marceline Abadeer (boşqa nomi Vampirlar qiroliçasi) — inson va jinning gibridi, keyinçalik vampirga aylangan. U çörtkesar va dovyurakdir. Princess Bubblegumning eng yaqin dösti. U taxminan 1 000 yoşda.

BMO — Fin va Jakening videoöyin konsoli. U şuningdek pleer, kamera, fotoapparat, budilnik, toster, fonar, stroboskop, video -muharir dasturi, video-pleer, magnitofon va şunçaki döstdir. 1 000 yildan keyin u Ooo mamlakati qiroli böldi.

Lumpy Space Princess (odatda, ismi LSP, deb qisqartiriladi) — Lumpy Space malikasi. Princess Bubblegum, Finn va Jakening dösti.

Ice King (Muz qiroli) — animatsion serial birinçi faslining boş yovuz qahramoni. 1 043 yoşda. Muntazam ravişda malikalarni öğirlaşga urinadi. Multserialning keyingi fasllarida, uning fojiali tarixi oçib beriladi: u bir paytlar sehrli toj ortidan es-huşini va yaqinlarini yöqotgan Simon Petrikov ismli yaxşi inson bölgan.

Earl of Lemongrab — qirollik oilasining aʼzosi hisoblanmiş Princess Bubblegum tomonidan yaratilgan juda asabiy va öjar jonzot bölib, şirinliklar saltanati taxti merosxöri böliş huquqiga ega.

Liç — animatsion serialning asosiy antagonisti. U muqarrar ölimning qadimiy, kosmik körinişi bölib, özini hozirgi olamdan avvalgi davrda omon qolgan jonzot sifatida körsatadi.

Jeremy Şada — Finn the Human

John DiMaggio — Jake the Dog

Hynden Walç — Princess Bubblegum

Niki Yang — BMO va Lady Rainicorn

Tom Kenny — Ice King

Olivia Olson — Marceline the Vampire Queen

Pendleton Ward — Lumpy Space Princess

Jessica DiCicco — Flame Princess

Lena Dunham va Felicia Day — Betty Grof