Good Will Hunting

Will Hunting (Matt Deymon) — matematikaning eng sönggi yönalişlarida kaşfiyotlar qiliş imkonini beradigan ajoyib tuğma iqtidor va mukammal eydetik xotiraga ega bölgan odam. Buning yordamida ensiklopedik bilimlarni osongina yod olib boraveradi. Ammo isteʼdod sohibining özi bunga unçalik ahamiyat bermaydi: masalan, u Massaçusets texnologiya institutida oddiy farroş bölib işlaydi, Bostonning janubiy okrugidagi mahallalardan birida, oddiygina yaşaydi. Yaxşi tarbiya olmagan yigit sifatida özini umr yölini notöğri boşlaganlikda ayblab keladi va bu yaşirin nafratni ham kasbiy, ham hissiy jihatdan öz-özini sabotaj qiliş şakliga aylantiradi.

Institutdagi talabalar darslarni boşlagaç, semestrning ilk haftasidayoq Will algebraik graflar nazariyasi sohasi bilan boğliq bölgan, diplomli mutaxassislar darajasidagi qiyin masalani osongina yeçadi. Uşbu masalani qabulxonadagi doskada Fields mukofoti sovrindori, taniqli kombinatorika bilimdoni Jerald Lambeau (Stellan Skarsgård) öz talabalaridan qaysidir biri semestr oxirigaça yeçim topişi uçun qoldirib ketgan böladi. Yeçim tezda topilgani va anonim tarzda qoldirilganidan Lambeau nisbatan ança murakkab — hamkasblari bilan ikki yil davomida yeçim topa olmagan masalani eʼlon qiladi. Lambeau tasodifan şu doskaga bör bilan yozib turgan oddiy farroşga duç kelganida, uni ğazab bilan haydab soladi. Ammo Lambeau doska yaqiniga qaytganida hayratdan qotib qoladi: töğri javob doskada yozilgan edi. Söngra professor, neki bölmasin, Willni topişga ahd qiladi.

Şu vaqtda, Will xotirlaşiça, uni bolalar boğçasida muttasil kaltaklab kelgan bezori yigit Karmin Skarpagliadan qasos olişga muvaffaq böladi. Janjal ortidan Will politsiya qöliga tuşadi va u qamoq jazosiga duç keladi. Willning salohiyatini töla anglagan Lambeau sudga yöl oladi va qamoqdan olib qoliş evaziga Willga özi bilan ikki şartga rioya etgan holda hamkorlik olib borişni taklif etad: Lambeauning şaxsiy nazorati ostida matematikaning professor yönaltirgan sohalarini örganiş va haftada bir marta psixoterapiya seanslariga qatnaş. Will özini psixoterapevt yordamiga muhtoj deb hisoblamasa-da, qamoqqa tuşmaslik uçun professorning şartlarini qabul qiladi.

Ilk beş psixolog Will bilan olib borilgan seanslardan söng öz faoliyatidan voz keçadi. Lambeau uni özining köpyillik dösti va Massachusetts texnologiya institutidagi sinfdoşi Sean Maguirening (Robin Williams) yoniga olib boradi. Sean boşqa hamkasblaridan özining Willga qarama-qarşi bahsga kirişa olişi va uning sarkastik himoya mexanizmlarini oça bilişi bilan ajralib turadi. Willni ayniqsa Seanning 1975-yilda Red Socks jamoasining maşhur oltinçi öyiniga kiriş örniga barda notaniş qiz (keyinçalik turmuş örtoği) bilan uçraşib, suhbatlaşib qolişi haqidagi hikoyasi ayniqsa hayratga soladi. Bu hikoya Willni Harvard universiteti yaqinidagi barda uçratib qolgan Skaylar (Minnie Driver) bilan yanada yaqin aloqalar örnatib körişga undaydi.

Sean va Will örtasidagi oddiy seanslar sekin-asta vraçning umri davomidagi keçinmalarini samimiy bölişişi tomon yetaklaydi. Bir vaqtning özida professor Lambeau Willni ilmiy hamkorlikka çorlaydi va ish örni taklifi uçun suhbatga ham taklif etadi. Will xonaga kirarkan, Lambeau va Seanning yoş şogird kelajagi töğrisida ketayotgan qizğin bahsi ustidan çiqib qoladi.

Stenford universitetiga öqişga ketayotgan Skaylar bilan munosabatlaridagi uziliş taʼsirida Will Lambeau taklif etgan işdan voz keçadi. Huntingning içki keçinmalari haqida suhbatdan söng Sean unga öz yölini tanlab olişi uçun eşikni körsatadi.

Will eng yaqin dösti Çakkiga (Ben Affleck) hayotining qolgan qismida qora işçi bölib ötişni xohlaşini aytadi. Biroq Çakki öz döstining iqtidori bilan tutayotgan harakatlaridan norozi böladi: u Willni salohiyatidan bekorga foydalanmoqçi bölayotganida ayblaydi. Çakki özining eng katta orzusi — bu qaysidir tonglarning birida Willning eşigini taqillatib, içkarida uning yöqligini seziş ekanligini aytadi.

Will yana bir bor psixoterapiya seansiga keladi va Sean ikkisi bolalik yillaridagi qattiqqöl munosabatning qurbonlari bölganini anglab yetadilar. Oxir-oqibat, Will hayoti qay tarzda keçişidan qatʼi nazar, öz umr yöli uçun masʼuliyatni qölga olişi zarurligini tuşunadi.

Film söngida Çakki, doimgidek, işiga yöl-yölakay Willning uyiga kirib ötadi. Will esa uyda emas, balki Seanga xabarnoma qoldirib, Kaliforniyaga — Skaylarning yoniga ketayotgan böladi.