La Dolce Vita

Voqealar Rim şahrida boşlanadi. Vertolyot Iso payğambarning ulkan haykalini arqonga osib, qadimiy şahar ustidan olib ötadi, uning ortidan esa ğiybat va şov-şuvlar ortidan quvuvçi sariq matbuot jurnalist Marcello Rubini öz vertolyotida ergaşadi. Şu tariqa boşlangan sarguzaştlar davomida Marcello tungi klublarning birida boy va injiq merosxör Maddalena bilan tanişib, tunni u bilan birga ötkazadi. Biroq u tongda uyiga qaytganida, dahşatli manzaraga guvoh böladi, uning unaştirilgan qayliği Emma haddan taşqari köp dori içib, öz joniga qasd qilgan edi. U zudlik bilan Emmani şifoxonaga olib boradi, ammo şunday oğir daqiqalarda ham uning xayolini Maddalena band etgan edi, Marcello unga qönğiroq qiliş payida böladi.

Ertasi kuni Marcello aeroportda şved-amerikalik taniqli kino yulduzi Sylviyani kutib oladi. U aktrisa bilan Muqaddas Pyotr gumbazini tomoşa qiladi, tun böyi Rim köçalarini aylanib, tong saharda Trevi favvorasiga tuşadi. Biroq bu lahzalar uzoqqa bormaydi, mehmonxona oldida Sylviyaning mast qayliği Robert ularni kutib turgan edi, u ğazab ustida qizni ham, Marcelloni ham uradi. Keyingi kunlarda Marcello özining yuksak madaniyatli, ziyoli dösti Steiner bilan çerkovda organ musiqasini çalib, ruhiy taskin qidiradi. Söngra ikki gödak Bibi Maryamni körganini daʼvo qilgan soxta „möjiza“ maydoniga reportaj tayyorlaş uçun yöl oladi. Jala quyayotgan tunda yiğilgan olomonning tartibsiz baqir çaqirlari ostida boşlangan bu soxta tomoşa, tongga yaqin şifo ilinjida olib kelingan va sarosimada halok bölgan beçora gödakning jasadini kötarib çiqiş bilan ayançli yakun topadi. Keyinçalik Steinerning şinam xonadonida ötgan ijodkorlar va ziyolilar davrasida Marcello öz döstining taşqi tomondan risoladagidek va farovon köringan hayoti ortida aslida daxşatli içki ziddiyatlar hamda maʼnaviy böşliq yaşiringanidan voqif böladi.

Marcelloning otasi Rimga keladi lekin bu uçraşuv ularni bir biriga yaqinlaştirmaydi, otasining tobi qoçib, yana yolğiz uyiga qaytib ketadi. Kunlarning birida, aristokratlar qasridagi ziyofatda Marcello Maddalenani uçratadi. Qiz aks sado beruvçi xonadan turib unga turmuş qurişni taklif qiladi. Marcello bunga tayinli javob bermagaç, qizning eʼtibori boşqa odamga çalğiydi. Tong otganda Marcello Emma bilan maşinada urişib qoladi va uni yölda qoldirib ketadi, lekin köp ötmay baribir ortiga qaytib keladi. Biroq bu yaraşuv ham uzoq davom etmaydi, köp ötmay u dösti Steiner özining ikki farzandini va özini öldirgani haqidagi dahşatli xabarni eşitadi.

Oradan vaqt ötib, Marcello jurnalistikani ham, kitob yozişni ham butunlay taşlaydi va reklama agenti bölib işlay boşlaydi. Dengiz böyidagi xonadonda ötgan navbatdagi ziyofat tonggaça çöziladi. Saharlab hamma sohildagi baliqçilar tutgan ulkan dengiz maxluqi (baliq) yoniga yiğiladi. Marcello uning ölik közlari hamon odamga tikilib turgandek tuyulayotganini aytadi. Film oxirida daryoning narigi qirğoğidan Marcelloni kafeda işlaydigan yoş ofitsiant qiz Paola çaqiradi. Ammo kuçli şamol va tölqinlar şovqini tufayli uning ovozi eşitilmaydi. Marcello qizning nima deyayotganini tuşunolmaydi va oxiri qöl siltab, mast döstlarining yoniga qaytib ketadi. Paola esa içki tuşkunlik botqoğiga botgan bu insonga açiniş va öziga xos sirli bir tabassum bilan Marcelloni ortidan tikilib qoladi.