Nadiya Ke Paar

Şarqiy Uttar Pradeşdan kelgan dehqon Tiwari ikki jiyani — Omkar va Çandan bilan bir qişloqda yaşaydi. U kasal bölib qoladi va daryo narigi tomonidagi boşqa qişloqdan kelgan vaydya (dorivor ösimliklar bilan davolovçi tabib) tomonidan davolanadi. Dehqon özini yaxşi his qilganda, vaydyadan davolaş haqini söraydi. Ikki qizining otasi bölgan vaydya Omkar kenja qizi bölmiş Roopaga uylanişini söraydi, yaʼni dehqonning katta jiyani Omkarga öz katta qizi Roopaga uylanişni taklif qiladi. Dehqon bu taklifga darhol rozi böladi.

Töy bölib ötadi va Roopaning kelişi bilan Omkarning uyi quvonç va baxtga töladi. Çandan bilan Gunja esa doim bir-birlari bilan tortişib, bir-birini masxara qilib yurişadi. Köp ötmay Roopa homilador bölib, öğil farzand köradi. Uyda boşqa ayol bölmagani uçun Roopa Omkardan Gunjani bir muddat kelib, uy işlarida yordam berişini söraşni iltimos qiladi. Hamma xursand bölib rozi böladi va Çandan kelinining qişloğiga borib, Gunjani uyga olib keladi. Bu yölda ikkalasi quvnoq qöşiqlar kuylaydi va döst bölib qolişadi. Ular orasida mehr uyğonadi. Gunja oila aʼzolari bilan tez til topişadi va uyning barça masʼuliyatini öz zimmasiga oladi. Oxir-oqibat Çandan bilan Gunja bir-biriga oşiq bölib qolişadi.

Bir neça oydan söng Gunja oğir köngil bilan uyiga qaytib ketadi. Çandan esa uçraşiş uçun turli bahonalar topaveradi. Biroq Gunja Çandandan faqat özining kuyovi sifatida huzuriga kelişini vaʼda qilişni talab qiladi. Bir neça oy ötib, ota-onasinikida bölganida Roopa ularning sevgisi haqida bilib qoladi. U uydagilar bilan gaplaşib, ularning nikohini taşkil qilişga vaʼda beradi. Afsuski, Roopa hali ota-onasinikida ekanida baxtsiz hodisada halok böladi va hammaga bu haqda aytişga ulgurmaydi.

Vaqt ötadi va Roopasiz Omkarning hayoti umidsizlik va qayğuga aylanadi. Uning hayotiga yana quvonç qaytariş va bolasiga ona topiş maqsadida, amakisi hamda Roopaning otasi Omkarga Gunjaga uylanişni taklif qilişadi. Çandan esa Gunjaga bölgan sevgisi haqida heç kimga aytolmaydi va akasining hayoti uçun jim turadi. Gunja esa otasi uning töyini Çandan bilan tuzgan deb öylab, juda xursand böladi. Lekin töy kuni kuyov libosida kuyovi Omkarni körganda vaziyat butunlay özgaradi. U Çandan uni aldagan deb öylaydi va otasining obrösi uçun Omkarga turmuşga çiqişga rozi böladi. Hissiyotlarini nazorat qilişga urinsa-da, töy marosimi paytida huşidan ketib qoladi. Çandan Gunjaga öz ahvolini yakka holda tuşuntirişga harakat qiladi. U akasi uçun öz sevgisidan voz keçişga qaror qilganini aytadi. Şuningdek, Gunja uning qarorini qöllab-quvvatlaydi deb umid qilganini ham bildiradi. Bularni eşitgan Gunja Çandan haqida yuqori fikrga keladi va endi uning qarorini qöllab-quvvatlaşini aytadi. Şu payt xonaga bu suhbatning hammasini eşitgan Omkar kirib keladi. U ularning bu katta qurbonligiga qarşi çiqadi va ularning sevgisi haqida ikki oilaga xabar beradi. Oxir-oqibat Gunja va Çandan oilalarining duosi bilan turmuş qurişadi.