Ustoz oşxonasi

Keralada Abdulrazzoq va Farida ismli musulmon juftlik farzand kutişmoqda. Abdulrazzoq tuğilajak farzand öğil bölişni xohlaydi va bolaning ismini Fayzi deb qöymoqçi böladi. Lekin Farida qizaloq tuğadi. Bundan söng Farida yana uçta qizni dunyoga keltiradi, lekin Abdulrazzoq bundan xursand bölmaydi. U öğli bölişini va unga Fayzi deb ism qöyişni xohlaydi. Farida yana homilador böladi va nihoyat öğli tuğadi, lekin özi vafot etadi.

Abdulrazzoq 5 farzandi bilan Dubayga ketadi. Kenja farzandi Fayzi opalari qölida tarbiya topadi. U köproq öğil bolalar işini emas, balki qizlarning yumuşlarini sevib qiladigan, taom pişirişni juda ham yaxşi köradigan bölib voyaga yetadi. Uning opalari birin-ketin turmuşga çiqişadi. Otasi ham ikkinçi marta turmuş quradi.

Kunlardan bir kun Fayzi uçun Şveytsariyada öqiş uçun katta imkoniyat paydo böladi va bundan foydalanib oşpazlik böyiça tahsil olib qaytadi. Qaytib kelganida otasi uni uylantirişni, unga mehmonxona oçişni reja qilganini aytadi, lekin Fayzi otasi aytganini qilmaydi. U bobosining oldiga boradi va undan oşpazlik sirlarini örganişga kirişadi. Bu orada bir mehmonxonaga oşpaz bölib işga kiradi.

Fayzi işlayotgan mehmonxona bobosining oşxonasini sotib olmoqçi, u yerda mehmonxonasini kengaytirmoqçi böladi. Fayzi esa oşxona hodimlari va avval uçraşuvga çiqqan qizi Şahana bilan hamkorlikda bobosining oşxonasini qayta oçişadi va muvaffaqiyatga erişadilar.