The Land Before Time V: The Mysterious Island

Gigant çigirtka tödasi Buyuk Vodiyni vayron qiladi. Ozuqa izlab, dinozavr podalari ona yurtini tark etişga majbur böladi. Ozuqa yetişmagani uçun kattalar ajralib, turli tomonlarga ketişga qaror qiladi. Ajralib qolmaslik uçun kiçkina brontozavr Littlefoot va uning döstlari — Cera, Ducky, Spike va Petrie — kattalardan yaşirinça özlari yaxşi ozuqa va suv bor joyni izlab ketişadi. Dengiz qirğoğiga yetib borgaç, ular izlagan narsani topadi: serobat yaşil ösimliklar bilan qoplangan orol. Biroq orolga yetib kelgan bolalar xavf ostida qoladi: ular kelgan toşli tizmani zilzila buzib taşlaydi, quruqlikka suzib qaytişiga esa dahşatli Suzuvçi Tişli Qirğin yöl qöymaydi.

Orolda bir keça ötkazgan bolalar ertalab eski tanişi — şu yerda ota-onasi bilan yaşaydigan kiçkina tiranozavr Çomperga duç kelişadi. U döstlarini körib xursand böladi, ularga ozuqa topişda va kattа tiranozavrlardan yaşirinadigan joy topişda yordam beradi. Biroq tez orada Çomperning ota-onasi orolda yagona yirtqiç emasligi maʼlum böladi: şafqatsiz Giganotozavr dinozavr bolalariga hujum qilib, ularni jarlik çetiga quvib boradi. Döstlarini qutqariş uçun Çomper özini fido qiladi, uni esa ota-onasi qutqarişga şoşiladi. Şiddatli jang boşlanadi: er-xotin tiranozavrlar birgalikda bu begona bosqinçini dengizga itarib yuborişadi, lekin u yiqilayotib Çomperni ham özi bilan tortib ketadi. Littlefoot bolani qutqariş uçun suvga sakraydi. Endi ikkalasi ham xavf ostida qoladi: suzuvçi Tişli Qirğin öljasini yana qöldan boy bermoqçi emas… Ammo ulkan elasmozavr urğoçisi Elsie vaqtida yetib kelib, Littlefoot va Çomperni qirğoqqa olib çiqadi. Şunday qilib hammasi yaxşi yakunlanadi: Çomper ota-onasi oldiga qaytadi, Elsie esa Littlefoot va uning döstlarini Katta Quruqlikka, u yerda ularni kutayotgan yaqinlari oldiga qaytarib olib boradi.