Thor: Love and Thunder

Gorr va uning qizi — Love çölda suv va yegulik yöqligi tufayli oçlikdan qiynalişadi. Ular xudosi bölmiş Rapuga qança iltijo qilişmasin, Love halok böladi. Necrosword deb atalmiş xudolarni öldiruvçi qurol Gorrni çaqiradi. Gorr ovoz ortidan ergaşib, Rapuning sölim podşoligiga boradi. Gorr muşkul vaziyatda ekanligini aytib, Rapudan kömak söraganda, uning befarqligini körib, unga endi uni xudo sifatida körmasligini aytadi. Bundan jahli çiqqan Rapu Gorrni buğar ekan, Necrosword Gorrga özidan foydalanişni taklif qiladi. Gorr esa uning taklifini qabul etib, Rapuni öldiradi va barça xudolarni öldirişga qasamyod qiladi. Necroswordga ega çiqqanidan söng, Gorr soyalarni boşqariş va maxluqlar yaratiş qobiliyatiga sohib böladi, biroq yaqinlaşayotgan ajal bilan lanʼatlanib, qiliç taʼsiriga tuşib qoladi.

Gorr bir neçta xudolarni öldirganidan söng, Thor Sifdan musibatda ekanligi haqidagi çaqiruv signalini oladi. Söngra, Thor Galaktika qöriqçilari bilan ajralib, yaralangan Sifni topadi. Sif esa uni Gorr haqida ogonlantirib, uning keyingi New Asgard ekanligini aytadi. Boşqa tomondan, Yer sayyorasida Thorning sobiq mahbubasi Dr. Jane Fosterga IV bosqiçli saraton kasalligi taşxisi qöyiladi. Tibbiy muolajalar samarasiz bölgandan keyin u Thorning singan bolğasi — Mjolnir uning xastaligiga davo bölişi mumkin degan umidda New Asgardga taşrif buyuradi. Thor yillar avval Fosterni muhofazalaş uçun özi bilmagan holda qöygan jodusi tufayli Mjolnir bölaklari qayta birlaşib, Fosterga Thor kuçini ato etadi. Thor Gorr hujumi endi boşlangan mahalda New Asgardga yetib keladi. Thor Mjolnirga sohiblik qilgan Fosterni körib hayratga tuşadi va Gorr bilan jang uçun u, Valkyrie va Korg bilan birlaşadi. Jamoa Gorrni mağlub etadi, biroq Gorr qoçişga muvaffaq böladi. U faqatgina yolğiz qoçmay, asgardlik bolalarning aksariyatini özi bilan olib ketib, Soyalar dunyosiga qamal qiladi.

Guruh kömak oliş ilinjida olamdagi xudolar uyi — Qudratli şaharga jönab ketadi. Xudolar yetakçisi — Zeus Gorrdan qörqib, guruhga ularga yordam bermasligini aytadi. Uning fikriça, ular şaharda qolişsa, xavfsizlikda bölişadi va Gorr ularni topa olmaydi. Zeus ular orqali Gorr şahar joylaşuvini topib olişidan hayiqib, guruhni kişanband etişni buyuradi. Natijada, guruh va Zeus jangçilari örtasida jang vujudga kelib, Zeus özining „momaqaldiroq gumburlaşi“ nomli quroli bilan Korg tanasi bölaklarga bölib yuboradi, ammo uning yuzi tirik qoladi. Bundan ğazabga tuşgan Thor esa Zeusga özining qurolini suqadi. Söngra, Valkyrie „momaqaldiroq gumburlaşi“ni qölga kiritadi va guruh şahardan qoçib ketadi. Guruh Soyalar dunyosiga kelişadi, biroq bolalarni topa olişmaydi. Foster tuşunib yetadiki, bolalarni öğirlaş Thorning oyboltasini qölga kiritiş uçun qilingan Gorrning tuzoği bölib, Gorr oybolta orqali Bifrostni oçişi va Abadiylik dunyosiga (barça xudolarni öldiriş uçun) kira olişga erişişi mumkin. Gorr guruhdan ustun kelib, Valkyrieni oğir jarohatlaydi. Söngra, guruh çekinadi va Yerga qaytadi. Biroq, Gorr maqsadiga erişadi, yaʼni Thorning oyboltasini qölga kiritadi.

Foster har safar Mjolnirdan foydalanganda, Mjolnir uning quvvatini sörib olişi va bu uni ölim sari yetaklaşi maʼlum böladi. Thor Fosterni soğayiş uçun zarur dorilarni qabul qilişga va Gorr bilan yolğiz özi (Foster iştirokisiz) jang qilişiga köndiradi. Thor öğirlab ketilgan bolalarni Abadiylik mehrobida topadi va Zeusning „momaqaldiroq gumburlaşi“ quroli yordamida ularga özining kuçini beradi. Thor bilan Gorr jang qilişayotganda, bolalar Gorr yaratgan maxluqlar bilan jang qilişadi. Bu orada Foster Gorr Thorni öldirmoqçi ekanligini his qiladi va Thorni qutqariş uçun Mjolnir bilan jangga qöşiladi. Ikkovlon Necroswordni yöq qilişib, Gorrni uning taʼsiridan halos etişadi. Ammo, Gorr Abadiylik dunyosiga kirişga erişadi (Thor va Foster ham kirişadi). Gorr öz tilagini aytişga hozir ekan, Thor unga xudolarni öldiriş örniga qizini tiriltirişini ötinadi. Söng, Thor Gorrni qaror qiliş uçun qoldirib, jon beriş arafasida bölgan Fosterning yoniga boradi. Gorr esa Abadiylikdan qizi Loveni tiriltirişni söraydi. Qizi tiriladi va Gorr lanʼat ortidan ölayotganda, Thordan Loveni asraşini söraydi.

Korgning tanasi tiklanadi va u yangi oila quradi. New Asgardda Fosterning vafoti eʼtirof etiladi, Valkyrie va Sif esa bolalarni şuğullantiriş bilan maşğul böladi. Thor Loveni asrab olib, u bilan birgalikda yangi sarguzaştlarni boşlaydi (Thor oyboltaga, Love esa Mjolnirga egalik qilgan holda).

Örta kreditlar sahnasida, soğaygan Zeus öğli — Herculesni Thorni jonini oliş uçun yuboradi. Post kreditlar sahnasida esa, Foster Valhalla darvozasiga yetib kelib, uni u yerda Heimdall qarşi oladi.