Grave of the Fireflies

Uruş paytida yetim bölib qolgan Seita va Setsuko Yokokavaning ruhlari bir-biri bilan Kobe şahrida qayta uçraşadi. Ular Ikkinçi jahon uruşida bombardimon qilingan Kobedan qanday omon qolganliklari haqida hikoya qilişadi.

1945-yil iyun oyida Amerikaning Boeing B-29 Superfortress bombardimonçilari guruhi Kobe şahrining katta qismini yöq qiladi. Seita va Setsuko portlaşdan omon qolgan bölsalar-da, ularning onasi oğir yaralanib vafot etadi. Seita öz onasining ölimini Setsukodan yaşiradi, keyinçalik akasi bu xabarni yaşirişga urunişiga qaramay, Setsuko xabar haqida bilib oladi. Seita va Setsuko uzoqdagi xolasining oldiga köçib ötadi. Uruş jadallaşib, qoçqinlar soni ortib borayotgani sababli Seitaning xolasi uning onasining ipak kimonosini guruç sotib oliş uçun sotişga köndiradi. Seita onasining bankdagi pulining bir qismini kerakli narsalarni sotib oliş uçun işlatadi, lekin xolasi ularga ovqat berişni kamaytiradi va ularni ovqatga loyiq emas deb hisoblaydi.

Seita va Setsuko çidab bölmas haqoratdan keyin xolalasining uyini tark etadilar va ular taşlandiq bomba boşpanasiga köçib ötadilar. Ular yoruğlik sifatida boşpanaga yonarqönğizlarni tutib, qöyib yuborişadi. Ertasi kuni Setsuko haşarotlar nobud bölganini bilib dahşatga tuşadi.

Bolalarning guruçlari tugaşi bilan, Seita dehqonlardan har xil poliz ekinlarini öğirlay boşlaydi va havo hujumlari paytida uylarni talon-taroj qiladi, buning uçun uni bir fermer kaltaklab, politsiyaga yuboradi. Ofitser Seita oçlik tufayli öğirlik qilayotganini tuşunadi va uni qöyib yuboradi. Setsuko kasal bölib qolganda, şifokor uning oçlikdan azob çekayotganini tuşuntiradi. Umidsiz Seita onasining bank hisobidagi oxirgi pulini yeçib oladi. Söng u Yaponiya taslim bölganini va uning otasi, Yaponiya Imperator dengiz floti kapitani, katta ehtimol bilan vafot etganini bilib, xafa böladi. Seita Setsukoga ovqat olib, qaytib keladi, lekin uni jonsarak holatda köradi. Seita ovqat tayyorlab Setsukoni çaqirgani boşpanaga kirganida u vafot etgan böladi. Seita Setsukoning jasadini va uning qöğirçoğini somon qutisiga solib yondiradi. U otasining fotosurati bilan birga singlisining kulini konfet qutisida olib yuradi.

Öşa sentyabr oyida Seita Sannomiya poyezd stantsiyasida boşqa oç qolgan odamlar qurşovida oçlikdan vafot etadi. Amerikaliklar kelişidan oldin jasadlarni olib taşlaş vazifasi yuklangan bir farroş Seitaning konfet qutisini topib oladi va qutini dalaga uloqtiradi. Setsukoning kuli qutidan yoyilib uning ruhi Seitaning ruhi bilan körişadi. Ular arvohlar poyezdiga çiqişadi va sayohat davomida Seitaning ölimiga olib kelgan voqealarga nazar taşlaydilar. Ularning ruhlari baxtli va sog-salomat manzilga yetib boradi. Yonarqönğizlar ularning atrofida aylanadi va aka-singil hozirgi kundagi Kobega qaraydigan tepalikdagi skameykada dam olişadi.